ალერგოლოგ-იმუნოლოგი ბიძინა კულუმბეგოვი ფიქრობს, რომ ვაქცინის არსებობის პირობებში შეზღუდვების დაწესება გამოსავალი ვერ იქნება. როგორც მან BM.GE-თან საუბრისას განაცხადა, ამ ეტაპზე კლინიკებში პაციენტების მკურნალობის რესურსი არსებობს.
„ევროკავშირის ქვეყნებში ბოლო თვეებში არ გაგვიგია მსგავსი ტალღის არსებობის შესახებ, გამოსავალი აქ არის ფარი, რომელსაც ვაქცინაცია ეწოდება. ჩვენ ახლა შევზღუდოთ ადამიანები, ეკონომიკა რომელიც ისედაც არასახარბიელო სიტუაციაშია და კიდევ უფრო უკან წავიყვანოთ, არ არის სწორი. ვგრძნობთ როგორ კარგავს ძალას ჩვენი ხელფასები. ამ გზით ვერ ივლის ქვეყანა. ვაქცინაციის პროცესით უნდა დავეხმაროთ არა მარტო ჩვენს თავს, არამედ ქვეყანას, რომ ჩვენ კიდევ უფრო არ გავაღრმაოთ ის რეცესია, რაც არსებობს.
დღეს გამოსავალს შეზღუდვების დაწესებაში ვერ ვხედავ. აქ ზღვარი არსებობს, თუ მობილიზდა სტაციონარული და ჰოსპიტალური რესურსი და შეუძლებელი გახდა ჟანგბადდამოკიდებული ადამიანი გადავიყვანოთ კლინიკებში, პირობითად საველე ჰოსპიტლები გაივსო და ადგილი არ დარჩა რომ პაციენტს მოვუაროთ, მაშინ იძულებული ხდება სახელმწიფო მობილობის ხელოვნურ შეზღუდვებს მიმართოს. ამ ეტაპზე ამ ნიშნულზე არ ვართ. ვაქცინა არის ხარჯთეფექტური, ვიდრე მკურნალობა უჯდება სახელმწიფოს და გთხოვთ ნუ იტყვით უარს ამაზე”, – მოუწოდებს კულუმბეგოვი მოსახლეობას.
Loading ...