ირანის ქალაქ შირაზში 26 ოქტომბერს შეიარაღებულმა პირებმა იერიში მიიტანეს შიიტებისთვის მნიშვნელოვან სალოცავზე, რასაც 15 ადამიანი ემსხვერპლა, დაიჭრა კიდევ ათობით პირი.
თავდასხმის პარალელურად, სხვა ადგილებში უსაფრთხოების ძალებს შეტაკებები ჰქონდათ დემონსტრანტებთან, დემონსტრანტები მაჰსა ამინის დაკრძალვის ადგილთან შეიკრიბნენ, რათა პოლიციის განყოფილებაში მისი გარდაცვალებიდან გასული 40 დღე აღენიშნათ.
თავდამსხმელებმა შაჰ-ჩერაჰის მეჩეთის შესასვლელთან მიიტანეს იერიში მომლოცველებზე და ადგილობრივ თანამშრომლებზე.
ირანის შინაგან საქმეთა მინისტრმა აჰმად ვაჰიდიმ მთელი ირანის მასშტაბით მიმდინარე დემონსტრაციების მონაწილეები დაადანაშაულა გზის გახსნაში “ამგვარი ტერორისტული აქტებისთვის”.
მომხდარზე პასუხისმგებლობა “ისლამურმა სახელმწიფომ” აიღო.
Loading ...