![](https://guria.tv/wp-content/uploads/2024/07/1721019247-argentina-copa-amerika-messi.jpg)
კოპა ამერიკა 2024-ის ფინალში არგენტინის ნაკრებმა კოლუმბია დამატებით დროში 1:0 ლაუტარო მარტინესის გოლით დაამარცხა და სამხრეთ ამერიკის მთავარი სანაკრებო ტიტული ისტორიაში მეთექვსმეტედ მოიგო.
შეხვედრის ძირითადი დრო 0:0 დასრულდა. დამატებითი დროის პირველ ტაიმში შეხვედრაში „ინტერის“ თავდამსხმელი ლაუტარო მარტინესი ჩაერთო, რომელმაც 112-ე წუთზე ჯოვანი ლო ჩელსოს გადაცემით ისარგებლა და გამარჯვების გოლი გაიტანა. ეს გახლდათ მისი მეხუთე გოლი ამ კოპა ამერიკაზე, რითაც მარტინესი ტურნირის ბომბარდირი გახდა.
ლიონელ სკალონის გაწვრთნილმა არგენტინამ ტიტულის დაცვა მოახერხა, „ალბისელესტემ“ კოპა ამერიკა 2019 წელსაც, ბრაზილიაში მოიგო, საერთო ჯამში კი მეთექვსმეტე ტიტული ამ ქვეყნისთვის სარეკორდოა, არგენტინელებმა ურუგვაის გაასწრეს, რომელთაც ეს ჯილდო ისტორიაში თხუთმეტჯერ აქვთ მოპოვებული.