არა გეიაღლუმებს და ფსევდოლიბერალიზმს – ოზურგეთის საკრებულოს ორი დეპუტატი “ხალხის ძალას” შეუერთდა

პარტია “ქართული ოცნება” და ოზურგეთის საკრებულოს უმრავლესობის ფრაქცია ორმა დეპუტატმა გელა ჩავლეშვილმა და ეროდი გორდელაძემ დატოვეს და მოძრაობას “ხალხის ძალა” შეუერთდნენ. როგორც დეპუტატები აცხადებენ, მათი გადაწყვეტილება “ხალხის ძალის” ლიდერების მიმართ პოლიტიკური სიმპათიით არის განპირობებული. ასევე, დეპუტატებს იმედი აქვთ, ამ მოძრაობასთან ერთად ანტისახელმწიფოებრივი ძალების, გეიაღლუმების და ფსევდოლიბერალების წინააღმდეგ უფრო ღიად და ეფექტურად იბრძოლებენ. გელა ჩავლეშვილი ოზურგეთის საკრებულოს საფინანსო-საბიუჯეტო კომისიის თავმჯდომარის თანამდებობას იკავებდა. კანონის თანახმად, მან პოსტი დატოვა. თუმცა დღესვე საკრებულომ 24 ხმით იმავე პოზიციაზე კვლავ გელა ჩავლეშვილი აირჩია.