დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ქვეყანაში დამატებითი შეზღუდვების დაწესებაზე მიდის საუბარი. როგორც გამყრელიძემ თქვა, ამაზე ჯანდაცვის სამინისტროში ისაუბრეს, თუმცა ვიდრე უწყებათშორისი საკოორდინაციო საბჭო არ განიხილავს, მათი გამჟღავნება ვერ მოხდება.
„ვისაუბრეთ დამატებით შეზღუდვებზე, მარტო ტესტირება და მარტო მოვლა ამ ყველაფერს ვერ მოერევა. იყო გარკვეული წერტილოვანი შეზღუდვები. 7 დიდ ქალაქში შეიზღუდა გადაადგილება ღამით, კრიტიკა იყო ხშირად, 22:00 საათზე იღვიძებს კორონა და 05:00 საათზე იძინებსო? – არა ბატონებო, ეს ყველაფერი არის სამეცნიერო მტკიცებულებებზე დამყარებული, რომ ამ ტიპის შეზღუდვა 2-კვირიან ინტერვალში 30%-ით ამცირებს ახალ შემთხვევათა რიცხვს.
მათ შორის ის შეზღუდვები, რაც არის ბაღები და ა.შ. განიხილება კიდევ სხვა ტიპის შეზღუდვები, რომ იყოს კარგი ბალანსი-შეზღუდვები გონივრულობის ფარგლებში და მოსახლეობა უნდა იყოს მზად სიტუაციის გამწვავებისთვის“, – განაცხადა ამირან გამყრელიძემ.
Loading ...