“არასრულწლოვანს ავტომობილი გაუჩერა და იძულებით პირად ინფორმაციას სთხოვდა” – ვანში მამაკაცი დააკავეს

ვანში არასრულწლოვანის მიმართ იძულების ბრალდებით მამაკაცი დააკავეს. არსებული ინფორმაციით, მამაკაცმა არასრულწლოვანს ავტომობილი გაუჩერა, გამოართვა ტელეფონის ნომერი და იძულებით პირად ინფორმაციას სთხოვდა.

მომხდარის გამო 16 წლის გოგომ პოლიციას თავად მიმართა.

შინაგან საქმეთა სამინისტროს ინფორმაციით, გამოძიება 150-ე მუხლით მიმდინარეობს, რაც იძულებას გულისხმობს.

მომხდარზე დაკავებულის ოჯახში საუბარი არ სურთ.

წყარო – ინტერპრესნიუსი