არასრულწლოვანმა გოგონებმა მარნეულში სამი საშაურმე კაფე გატეხეს – დაკავებულია 4 გოგო

მარნეულში რუსთაველის ქუჩაზე მოზარდმა გოგონებმა სამი საშაურმე კაფე  – “ოთოს შაურმა”, “ვიპ შაურმა” და “ალგეთის შაურმა”, დაარბიეს.

Aktual.ge-ის ინფორმაციით, შემთხვევა სამ ოქტომბერს,  გვიან ღამით, დაახლოებით 03:00 საათზე მოხდა.

ინფორმაციით,  მოზარდებმა საშაურმე კაფეებიდან ფული და მობილური ტელეფონი მოიპარეს, ასევე სასმელები დაღვარეს და კაფეებს მატერიალური ზიანი მიაყენეს. როგორც თვითმხილველები ამბობენ, აღნიშნულ ინციდენტში ოთხი 14-15 წლის გოგონა მონაწილეობდა, რომლებიც ნარკოტიკული ნივთიერების ზემოქმედების ქვეშ იმყოფებოდნენ.

ინციდენტში ჩართულია საპატრულო და კრიმინალური პოლიცია, რომელმაც არასრულწლოვნები უკვე დააკავა.

წყარო – Aktual.ge