პატიმრობაში მყოფმა საქართველოს მესამე პრეზიდენტმა მიხეილ სააკაშვილმა სასამართლო სხდომაზე ისაუბრა პარტია “ნაციონალური მოძრაობის” შესახებ. მან სხდომის მუშაობაში დისტანციურად ჩართვის დროს ახსენა არაფორმალური მმართველობა, თავისი კანდიდატურის დასახელება პრემიერ-მინისტრის პოსტზე და ასევე ძველი წევრების გასვლა პარტიის პოლიტსაბჭოდან.
სააკაშვილმა თანაგუნდელებს მოუწოდა: “შევძლოთ საერთო ენის გამონახვა და სწრაფი ნაბიჯებით ვიაროთ წინ”.
სხდომაზე დისტანციური ჩართვისას, მიხეილ სააკაშვილმა ასევე აღნიშნა, რომ ადრეა პრემიერ-მინისტრობის კანდიდატის დასახელება მომავალი არჩევნებისთვის, რომელიც 2024 წელს უნდა გაიმართოს. სწორედ ამ კონტექსტში ილაპარაკა მან საკუთარ თავზე:
“ისმოდა ხშირად, რომ პრემიერ-მინისტრად დამასახელონ მე. ჯერ არის ძალიან ადრე, ჩემო მეგობრებო. ეს ბევრ ფაქტორზეა დამოკიდებული. რამდენიმე თვე უნდა შევხედოთ სიტუაციას, რა თქმა უნდა, ვიპოვოთ ოპტიმალური კანდიდატი, მაქსიმალურად ბევრი ხალხისთვის მისაღები კანდიდატი, რადგან ჩვენ მივდივართ გასამარჯვებლად და არა საპატიო მეორე ადგილისთვის. რაც მთავარია, საარჩევნო სიები უნდა შედგეს არა ვიღაცის გარიგებით, არამედ ქვემოდან ზემოთ – პარტიის ყველა წევრმა უნდა მისცეს ხმა სიაში მყოფ ადამიანებს.”
Loading ...