Ანჩელოტიმ რა ჰქმნა?

წუხელ ჩემპიონთა ლიგის გრძელი, რთული და მომქანცველი სეზონის ბოლო აკორდი დორტმუნდის “ბორუსიამ” და მადრიდის “რეალმა” აიღეს ლონდონში, “უემბლის” სტადიონზე. თამაშის წინა დღეებში გერმანულ საზოგადოებაში დიდი სჯა-ბაასი იყო გამართული დორტმუნდელთა ახალი სპონსორის შესახებ, რომელიც უმსხვილესი გერმანული კონცერნი Rheinmetall-ია და რომელიც სამხედრო იარაღს აწარმოებს. Მსგავსი დისკუსია კი გასაკვირი არაა ქვეყანაში, სადაც მეორე მსოფლიო ომისდროინდელი აჩრდილები ისევ დაძრწიან და სამხედრო საკითხები ჯერაც ტაბუდადებული თემებია.

Უშუალოდ თამაშის პირველი ნახევარი დიდ კატასტროფას უქადდა ესპანურ სამეფო გუნდს, თუმცა ბორუსიამ უამრავი მომენტი ვერ გამოიყენა და მხოლოდ თავის თავს უნდა დააბრალოს, ფინალი რომ დათმო. Ედენ ტერზიჩმა გერმანული გუნდის ლეგენდა მარკო როისი ბოლო 20 წუთით გამოიყვანა მოედანზე და ახლა, წაგებული ფინალის პერიპეტიებიდან გამომდინარე, შეიძლება ითქვას, რომ შეცდომა დაუშვა, რადგან კარიმ ადეიემიმ კარგი შთაბეჭდილება ფინალში ვერ დატოვა, ხოლო მარკო როისმა, რომელმაც ბოლო მატჩი ჩაატარა შავ-ყვითლებში, დაღლილ გუნდთან ერთად ხეირიანი ვეღარაფერი შეძლო.

Მადრიდელებში გამოირჩეოდა დანი კარვახალი, რომელმაც ძალიან გაგვაოცა, როცა მეორე ტაიმში კუთხურიდან ჩამოწოდებულს თავი დაჰკრა და ბურთი კარს გადააცილა. Გაგვაოცა იმიტომ, რომ იმ ადგილას წესით მარჯვენა მცველი არ უნდა ყოფილიყო გადასული. Თითქოს დეჟავუ დაემართა მაყურებელს, როცა კიდევ ერთი კუთხურის დროს კარვახალი ისევ იმავე “უადგილო” ადგილას აღმოჩნდა და ამჯერად გოლი გაიტანა. Უნდა აღინიშნოს, რომ ნიკლას ფულკრუგს იმ დროს ნამდვილად ჩაეძინა, 173 სანტიმეტრის სიმაღლის მცველს ზორბა თავდამსხმელმა ბურთზე თამაშის საშუალება მისცა და დორტმუნდმა გოლი მიიღო, რომლის თავიდან არიდებაც შეიძლებოდა. Მეორე გოლი ვინუსიუს ჯუნიორმა შეაგდო, და ვაგლახ, რომ ისევ გერმანელთა უყურადღებობით და მაატსენის უხეში შეცდომით, როცა მან მოწინააღმდეგე ბელინგემს კარის წინ უპასა და ჯუდსაც არ გასჭირვებია ვინისიუსის მოძებნა საჯარიმოში. ვინიმ თუმცა უხეიროდ დაარტყა, მაგრამ გოლი მაინც გავიდა.

Შეიძლება ითქვას, რომ დაძინებული რეალი მხოლოდ ანჩელოტის იავნანამ გამოაფხიზლა, თუმცა როდესაც მას ჰკითხეს, რა ცვლილებები შეიტანა გუნდის თამაშში შესვენებაზე, ანჩელოტის იავნანა არ უხსენებია. Ჩემს Მოთამაშეებს ვუთხარი, ბურთს უფრო გაფრთხილებოდნენ, რადგან პირველ ტაიმში ბევრჯერ დავკარგეთ ბურთი უაზროდო, თქვა თამაშის შემდეგ პაპა კარლომ. სულ ეს რეცეპტი ეყო დორტმუნდის გუნდს, რომელმაც 70-ე წუთამდე მშვენივრად ითამაშა და დასანანად წააგო, მაგრამ ისიც ვთქვათ, რომ ბორუსიას წლევანდელ ფინალში არავინ ელოდა და მათთვის ფინალამდე მისვლაც დადებით შედეგად აღიქმება.

Ვულოცავთ სამეფო კლუბს ამ წარმატებას, ისტორიაში მეთხუთმეტე (15!) ჩემპიონთა ლიგის თასს და ველოდებით ზუსტად 14 ივნისს. Გერმანიაში სულ მალე ევრო 2024 დაიწყება.

ავტორი: ლაშა ჩხაიძე