ანტონიო გუტერეში – კლიმატური ცვლილებები უკვე ხდება, რაც შემზარავია და ეს მხოლოდ დასაწყისია

მიმდინარე წლის ივლისი ექსტრემალური სიცხის მხრივ მსოფლიო რეკორდს მოხსნის, – ამის შესახებ გაეროს გენერალურმა მდივანმა ანტონიო გუტერეშმა პრესკონფერენციაზე განაცხადა.

„დღეს მსოფლიო მეტეოროლოგიურმა სამსახურმა და ევროპულმა ორგანიზაციამ Copernicus ოფიციალური მონაცემები გამოაქვეყნეს, რომლებიც ადასტურებენ, რომ 2023 წლის ივლისი მსოფლიო ისტორიაში ყველაზე ცხელი თვე გახდება. კლიმატური ცვლილებები უკვე ხდება, ისინი შემზარავია და ეს მხოლოდ დასაწყისია”, – განაცხადა გუტერეშმა.

მან აღნიშნა, რომ დაუყოვნებლივ უნდა მოხდეს კლიმატურ ცვლილებებთან ბრძოლისთვის ზომები მიღება, რათა კატასტროფას ავარიდოთ თავი. გუტერეშის თქმით, ივლისი ტემპერატურის მაჩვენებლების მხრივ მსოფლიო რეკორდს მოხსნის იმის მიუხედავადაც, რომ უახლოს დღეებში გარკვეული აგრილებაა მოსალოდნელი.

„მუსონურ წვიმებს ბავშვები მიაქვს, ოჯახები ხანძრებს გაურბიან, სიცხის გამო მუშები გონებას კარგავენ. ჩრდილოეთ ამერიკის, აზიის, აფრიკისა და ევროპის უზარმაზარი ნაწილისთვის ეს სასტიკი ზაფხულია. პლანეტისთვის ეს კატასტროფაა“, – განაცხადა გაეროს გენერალურმა მდივანმა.