ანზორ ერქომაიშვილის 80 წლის იუბილე

ოზურგეთში ანზორ ერქომაიშვილის 80 წლის იუბილე მასშტაბურად აღინიშნა. საზეიმო ღონისძიება ოზურგეთის ახლადრეაბილიტირებული დრამატული თეატრის თაღებში შედგა. ქართველი გამოჩენილი მომღერლის, ლოტბარის, კომპოზიტორის, მსოფლიოს სხვადასხვა არქივში მიმობნეული ქართული სიმღერების ჩანაწერების მომძიებლისა და გამომცემლის, ანსამბლების –,, რუსთავისა“ და ,,მართვეს“ დამაარსებლის, ანზორ ერქომაიშვილის 80 წლის იუბილეს საქართველოს პრეზიდენტი სალომე ზურაბიშვილი, პარლამენტის თავმჯდომარე არჩილ თალაკვაძე, ხელისუფლების, კულტურის სფეროს და საზოგადოების წევრები ესწრებოდნენ. ღონისძიებაზე ქართული ტრადიციული სიმღერები შეასრულეს ანსამბლებმა: რუსთავი, ბასიანი, რიჰო, შილდა, გალობის უნივერსიტეტის გოგონათა გუნდი და ა.შ. იუბილეზე გამოიფინა ანზორ ერქომაიშვილის ცხოვრების და შემოქმედების ამსახველი ფოტოარქივი. ღონისძიება ფეიერვერკით დასრულდა. ღონისძიების ორგანიზატორები იყვნენ: საქველმოქმედო ფონდი ,,ქართული გალობა“ საქართველოს ფოლკლორის სახელმწიფო ცენტრი და ოზურგეთის მუნიციპალიტეტის მერია.