”გარდაიცვალა ღვაწლმოსილი ენტომოლოგი, ბიოლოგიის დოქტორი, საქართველოს აგრარული უნივერსიტეტის ჩაის, სუბტროპიკული კულტურების და ჩაის მრეწველობის ინსტიტუტის მეცნიერი თანამშრომელი, ქალბატონი ანგელინა ნიკოლაშვილი.
ანგელინა ნიკოლაშვილმა თითქმის 65 წელი მიუძღვნა სუბტროპიკული სოფლის მეურნეობის მეცნიერულ უზრუნველყოფას. დიდია მისი დამსახურება სუბტროპიკული კულტურების და დეკორაციული მცენარეების მავნებლების ბიოეკოლოგიის, ბიოლოგიური თავისებურებების და მავნეობის ხასიათის შესწავლის მიმართულებით, აგრეთვე ახალგაზრდა სპეციალისტების აღზრდის და კვალიფიკაციის ამაღლების საქმეში.
ამაგდარი მეცნიერი, მისთვის ჩვეული ენერგიით და ხალისით, სიცოცხლის ბოლომდე აგრძელებდა ნაყოფიერ სამეცნიერო და პრაქტიკულ ხასიათის სამუშაოებს ფაროსანას ბიოლოგიის და ეკოლოგიის შესწავლის მიმართულებით. კვლევის შედეგები დიდ დახმარებას უწევს ამ დარგში მომუშავე სპეციალისტებს.
მშვიდობით ძვირფასო კოლეგავ და მეგობარო,
მსუბუქი იყოს შენთვის მშობლიური მიწა!
ანასეულელი მეგობრები და კოლეგები
დაკრძალვა ქ. ოზურგეთში, კვირას 12 დეკემბერს.” – წერს მეცნიერი და აკადემიკოსი თემურ რევიშვილი ფეისბუქის გვერდზე.
კომენტარები
Loading ...
