ფოთის ე. წ. ცხელების ცენტრში 1 წლის და 5 თვის გოგონა და 6 თვის ბიჭი ამ საღამოს შეიყვანეს. მათ რესპირატორული სიმპტომები , ასევე ცხელება აღენიშნებათ. ორივე ბავშვი ხვალ დილით დაიტესტება და მათი ბიოლოგიური მასალა ზუგდიდის ინფექციურ საავადმყოფოში გაიგზავნება. პასუხები კი საღამოს ან ზეგ დილით გახდება ცნობილი.
,,ამ საღამოს შემოგვივიდა კიდევ 2 პაციენტი. ესენი არიან წლისა და ხუთი თვის გოგონა, ასევე 6 თვის ბიჭი ლანჩხუთიდან. მათაც, სხვა პაციენტების მსგავსად აღენიშნებათ ცხელება და სხვა რესპირატორული სიმპტომები. ყველანი მოთავსებულები არიან ბოქსირებულ პალატებში.”- განაცხადა ფოთის ჰოსპიტალის დირექტორმა, თეა მიგინეიშვილმა.
კომენტარები
Loading ...