ამსტერდამის მერია ახალგაზრდებისგან ვალებს გამოისყიდის, რათა სტუდენტები სტრესისგან გაათვისუფლონ

ამსტერდამის ხელისუფლებამ გადაწყვიტა სტუდენტების დავალიანების გამოსყიდვა, რათა მათ მეტი დრო დარჩეთ განათლების მისაღებად. ბოლო დროს, ჰოლანდიელ სტუდენტებს შორის სესხის საშუალო დონე გაიზარდა, ისევე როგორც მთელ ევროპაში. ამსტერდამი აპირებს კრედიტების დაფარვას და ახალგაზრდებისთვის  “ახალი სტარტის” მიცემას.

ამსტერდამის ხელისუფლებამ გადაწყვიტა სპეციალური პროგრამის წამოწყება. საპილოტე პროექტის, რომელიც თებერვალში დაიწყება, მიზანია დაეხმაროს მათ, ვისაც სურს მიიღოს განათლება და იპოვონ სამუშაო.

მუნიციპალური საკრედიტო ბანკი აანაზღაურებს  ახალგაზრდების სესხებს. პროგრამის მონაწილეებს სტიმულის სახით თითოს 750 ევრო გადაეცემათ. ისინი მიიღებენ ახალ სესხს, რომელსაც თავიანთი შესაძლებლობების შესაბამისად დაფარავენ. სტუდენტებს, რომლებიც კარგად ისწავლიან სესხის უმეტესი ნაწილი გაუუქმდებათ. 

სპეციალური ტრენერები იმუშავებენ მოვალეებთან, რომ დაეხმარონ სესხის დაფარვის დაგეგმვას. ხელისუფლების განცხადებით, არასტაბილური შემოსავლის მქონე ახალგაზრდებისთვის ხშირად უკიდურესად რთულია ფინანსების გადანაწილება და კრედიტორების გადახდა.

”ვალები ძალიან სტრესულია. რაც შეეხება ახალგაზრდებს, სესხები პირდაპირ გავლენას ახდენს მათ მომავალზე, ”- განმარტავს მერის მოადგილე მარჯოლინ მურმანი.

მერის მოადგილის თქმით, ამსტერდამის ბევრმა ახალგაზრდამ თანხა ისესხა პრობლემების ან ფინანსური ცნობიერების არარსებობის გამო. ”ასე რომ, ახლა ჩვენ დავეხმარებით მათ ყველაფერი თავიდანვე დაიწყონ” – თქვა მან. 
ამსტერდამის 18-დან 34 წლამდე ასაკის მოსახლეობის მესამედზე მეტს (34%) აქვს დავალიანება. საშუალო სტუდენტური დავალიანება ნიდერლანდში გაიზარდა 12,400 ევროდან 2015 წელს, 13,700  ევრომდე 2019 წელს. გარდა ამისა, ზოგადად, ნიდერლანდებში, იმ ადამიანთა რიცხვი, რომლებმაც სწავლისთვის სესხები აქვთ 2015 წელს 388 ათასი ადამიანიდან, გაიზარდა 1,4 მილიონამდე 2019 წელს.

esp.md