დაავადებათა კონტროლის ეროვნული ცენტრის ხელმძღვანელი, ამირან გამყრელიძე ამბობს, რომ რამდენიმე დღეში საქართველოს კორონავირუსის სწრაფი ტესტები ექნება. ამის შესახებ მან ბრიფინგზე ისაუბრა.
“ჩინეთმა გააკეთა სწრაფი ტესტები, რომელსაც ჩინეთის ერთ-ერთი პროვინცია გადმოგვცემს. დაახლოებით, 1000 ტესტს. მაგრამ ესენი ჯერჯერობით არ არის ვალიდირებული მსოფლიო ჯანდაცვის ორგანიზაციის მიერ. ტექნოლოგიები ძალიან სწრაფად მიდის და არ გაგვიკვირდეს, რომ ერთ თვეში იყოს ტექნოლოგიები”, – განმარტა მან.
10 მარტის 15:00 საათის მდგომარეობით, როგორც ამირან გამყრელიძე ამბობს, საქართველოში სულ იყო 466 შესაძლო შემთხვევა, რომელიც საჭიროებდა შესაბამის ლაბორატორიულ გამოკვლევას. დღეს ყველა მათგანი შემოწმებულია და კორონავირუსით (COVID-19) ინფიცირების 15 შემთხვევა არის დადასტურებული.
კომენტარები
Loading ...