ამინდი მკვეთრად შეიცვლება – მეტეოროლოგი მოსხალეობას აფრთხილებს

მეტეოროლოგ კობა ფარტენაძის პროგნოზით, 14 და 15 ივნისს ამინდი მკვეთრად იცვლება, შესაბამისად, ამ დღეებში არაფრის დაგეგმვა ღირს.

„შაბათ-კვირას საქართველოში მგზავრობისთვის არახელსაყრელი მეტეო პირობები იქნება.

14 ივნისს დასავლეთში ყველგან და აღმოსავლეთში ზოგან, 15-ში კი პირიქით დასავლეთში ზოგან და აღმოსავლეთში ყველგან – მოსალოდნელია წვიმა, ზოგან შესაძლებელია ძლიერი და სეტყვა, პერიოდულად გაძლიერდება დასავლეთის ქარი.

დასავლეთიდან ვინც აღმოსავლეთში გეგმავთ გამგზავრებას, 14 ივნისს კახეთში გვიან დღის ბოლომდე არ იწვიმებს.

მოსალოდნელი პროგნოზიდან გამომდინარე, მიზანშეწონილია უქმე დღეებში ექსკურსიების დაგეგმვისგან თავი შეიკავოთ, ხოლო ვინც ქორწილის აღნიშვნას ღია ცის ქვეშ გეგმავდით, მიიღეთ შესაბამისი ზომები.

ამინდი ვერ გაჩუქეთ კარგი, მაგრამ ცხოვრებას გისურვებთ ნათელს და მზიანს,“ – წერს ფარტენაძე.