ამერიკელი რეჟისორის რობ რაინერისა და მისი მეუღლის მკვლობის ბრალდებით პოლიციამ მათი ვაჟი დააკავა

ლოს-ანჯელესის პოლიციამ ამერიკელი რეჟისორის რობ რაინერისა და მისი მეუღლის მკვლობაში ბრალდებული მათი ვაჟი, ნიკი დააკავა და წინასწარი პატიმრობა მიუსაჯა.

მედიის ცნობით, 32 წლის ნიკი რაინერი კვირას დააკავეს და ბრალი ოფიციალურად ორშაბათს წაუყენეს.

რობ რაინერი და მისი მეუღლე მიშელი საკუთარ სახლში გარდაცვლილები იპოვეს. როგორც მედია წერს, წყვილის ვაჟი ნიკი დიდი ხნის განმავლობაში ნარკოდამოკიდებული იყო. რობ რაინერი ცნობილი ამერიკელი რეჟისორი და მსახიობი იყო.

მისი ყველაზე ცნობილი ნამუშევრებია: „როცა ჰარი შეხვდა სალის“, „უძინარნი სიეტლში“, „პატარძალი პრინცესა“ და სხვა. რაინერი, ამასთან, წარმატებული საპროდიუსერო კომპანიის, Castle Rock Entertainment-ის თანადამფუძნებელიც იყო.