ამერიკელი კომპოზიტორი ქუინსი ჯონსი გარდაიცვალა

91 წელის ასაკში კომპოზიტორი, პროდიუსერი და სიმღერები ავტორი ქუინსი ჯონსი გარდაიცვალა.

ჯონსის წარმომადგენლის თქმით, მუსიკოსი 3 ნოემბერს სახლში, ოჯახის გარემოცვაში გარდაიცვალა.

ჯონსის კარიერა 1950-იან წლებში იწყება. 1951 წელს 18 წლის მუსიკოსი ჰემპტონ ჯონსის ბენდში საყვირზე უკრავდა. კონცერტების დროს ჯონსმა გამოავლინა კომპოზიტორის ნიჭი, რის შემდეგაც ნიუ-იორკში გადასახლდა და ჯაზის ისეთ ლეგენდებთან დაიწყო თანამშრომლობა, როგორებიც დიუკ ელინგტონი, ქაუნთ ბეისი და დინა ვაშინგტონი არიან. მუსიკას წერდა ასევე თავისი სკოლელისთვისა და მეგობრისთვის, რეი ჩარლზისთვის.

1956 წელს გახდა დიზი გილესპის ბენდის წევრი, რომელთან ერთადაც შემოიარა ევროპა. პარალელურად გახდა ხმისჩამწერი კომპანია Mercury Records-ის ფრანგული წარმომადგენლობის ხელმძღვანელი.