ფლორიდაში დაარსებული ქართულ-ამერიკული საიმიგრაციო იურიდიული კომპანია Kamkhadze PA აშშ-ში იმიგრაციის მსურველ ქართველებს იურიდიულ მომსახურებას სთავაზობს.
კომპანიის დამფუძნებლის ანა ქამხაძის განცხადებით, ამერიკაში ლეგალურად წასვლის და დასაქმების რამდენიმე ლეგალური გზა არსებობს.
მან გადაცემა “საქმიან დილაში თქვა, რომ ამისათვის 20-ზე მეტი საემიგრაციო და საიმიგრაციო ტიპის ვიზა არსებობს.
„მომსახურებას ნებისმიერ ქვეყანაში და შტატში მყოფ ადამიანებს ვთავაზობთ, რომლებსაც ამერიკაში დროებით ან მუდმივად ემიგრაცია სურთ. ჩვენი მიზანია ხმა მივაწვდინოთ ადამიანებს, რომლებსაც გადაწყვეტილი აქვთ ამერიკაში ემიგრაცია და ავუხსნათ გზები და შესაძლებლობები, რასაც აშშ-ის კანონმდებლობა ითვალისწინებს.
იმ ადამიანებისთვის, ვისაც თავისი კვალიფიკაციით აშშ-ში მუშაობა უნდა ოცზე მეტი საემიგრაციო და საიმიგრაციო ტიპის ვიზა არსებობს და ეს რა თქმა უნდა ლეგალურია. ასევე არსებობს გარკვეული ტიპის ვიზები, რომელიც ბინადრობის უფლებას ითვალისწინებს“, – ამბობს ანა ქამხაძე.
მისივე თქმით, იმ შემთხვევაში, თუ ადამიანებს, არც გამორჩეული უნარების დადასტურება შეუძლიათ და არც ინვესტიციების განხორციელების შესაძლებლობა აქვთ, მათთვის სპეციალიზებული ცოდნის ვიზები არსებობს, რომლებიც იმ შემთხვევაში გაიცემა თუ აშშ-ში დამსაქმებელი ჰყავთ, რომელსაც მათთვის საემიგრაციო განაცხადის შევსება შეუძლია, რომ ისინი ამერიკაში სამუშაოდ მოიწვიონ.
ამასთან, ანა ქამხაძე ამბობს, რომ ცალკე შესაძლებლობაა ბიზნესისთვის, რომელსაც აშშ-ის ბაზარზე საქმიანობის გაფართოება სურს. როგორც ის ამბობს საქართველოს მოქალაქეებს ამ ტიპის ვიზის მიღების უნიკალური შანსი აქვთ, რადგან საქართველოსა და ამერიკას შორის ჯერ კიდევ 1997 წელს გაფორმდა ამ მიმართულებით ვიზებზე ხელშეკრულება, რაც საქართველოს მოქალაქეებს საშუალებას აძლევს, სხვა ქვეყნის საკონსულოს მიმართონ და ვიზა მიიღონ.
„ამისთვის საჭოროა მათ კომპანია დააარსონ რაც ელექტრონულადაც შესაძლებელია და მასში გარკვეული ტიპის ინვესტიცია ჩადონ. ასევე ე.წ ბიზნეს გეგმა უნდა მოამზადონ. კანონმდებლობა ამ ტიპის ვიზებისთვის დროებითია თუმცა ბიზნესის წარმატებით განხორციელების შემთხვევაში მისი გაგრძელება შესაძლებელია. მინიმალური თანხა, რაც ნებისმიერი ბიზნესისთვის არის საჭირო 80 000 დოლარია“, – ამბობს იგი.
რაც შეეხება ვადებს, მისი თქმით უმეტეს შემთხვევაში ეს აპლიკანტების მიერ დოკუმენტაციის მოპოვების დროზეა დამოკიდებული.
“იქიდან გამომდინარე, რომ მათ კომპანიის რეგისტრირება, საგადასახადო ნომრის მიღება და ბზინეს გეგმის მომზადება სჭირდებათ, თუ ამას სწრაფად განახორციელებენ შეუძლიათ ყველაფერი 1 თვის ვადაში შეაგროვონ. ამის შემდეგ შესაძლებელია საქმის მომზადება და ჩვენი იურიდიული კომპანია ამ ტიპის ვიზას 3-დან 5 კვირის ვადაში ამზადებს, ამის შემდეგ საკონსულოში ინტერვიუს ჩანიშვნა ხდება”, – განაცხადა ანა ქამხაძემ.
Loading ...