"ამას სჭირდება მტკიცებულებები" _ არჩილ თალაკვაძე აჭარის ტელევიზიაში მიმდინარე პროცესებზე

საქართველოს პარლამენტის თავმჯდომარე არჩილ თალაკვაძე ამბობს, რომ დღეს, საქართველოში მედია ყველაზე მეტად თავისუფალია:

_ როცა ბრიფინგზე გამოვდივარ და მიკროფონებს ვუყურებ ვხედავ რომ ორჯერ მეტი მიკროფონია, ვიდრე ჩემს ხელისუფლებაში მოსვლამდე იყო, _ აღნიშნა არჩილ თალაკვაძემ გადაცემაში “პოლიტიკური სცენა ნატო გოგელიასთან” ერთად სტუმრობისას.

მისივე თქმით, “ქართულმა ოცნებამ” მედიას რეგულაციებიც გაუუქმა და  არცერთი ჟურნალისტი კრიტიკული მოსაზრების გამო ციხეში არ ზის.

გადაცემის წამყვანი აჭარის ტელევიზიაში მიმდინარე პროცესებსაც შეეხო და პარლამენტის თავმჯდომარის პოზიციით დაინტერესდა.