“ალტინფოს” ადგილობრივი ლიდერი მამუკა ანდღულაძე “ტვ პირველის” ჟურნალისტს ნატო გოგელიას ფიზიკურად გაუსწორდა. ინფორმაციას “გურიის მოამბე” ავრცელებს.
ძალადობის ფაქტი რამდენიმე საათის წინ ოზურგეთის მუნიციპალიტეტის სოფელ ბახვში მოხდა.
მამუკა ანდღულაძემ ნატო გოგელიაზე ფიზუკურად იძალადა და პარალელურად დაუზიანა მობილური ტელეფონი და ტექნიკა.
ნაცემი ჟურნალისტი შსს გურიის პოლიციის დეპარტამენტში გამოკითხვაზე იმყოფებოდა, ამ წუთებში კი პოლიციას დაზარალებული ექსპერტიზაზე გადაყავს. ნატო გოგელიამ “ალტინფოს” ადგილობრივ ლიდერს, მამუკა ანდღულაძეს კომენტარისთვის მას შემდეგ მიაკითხა, რაც გავრცელდა ინფორმაცია, რომ ანდღულაძემ გურიის გუბერნიის წინ აღმართული ევროკავშირის დროშის დაზიანება სცადა. აღსანიშნავია, რომ სწორედ მამუკა ანდღულაძეა ერთ-ერთი მათგანი, ვინც გუშინ რუსთაველზე ევროკავშირის დროშა დაწვა.
გურია TV სოლიდარობას უცხადებს ჩვენს კოლეგას, დაზარალებულ ჟურნალისტს ნატო გოგელიას და გმობს ძალადობის ყოველგვარ ფაქტს.
Loading ...