ლანჩხუთში დღეს გამართულ საკრებულოს სხდომაზე აკეთის თემის რამდენიმე წარმომადგენელმა გაშალა ბანერი წარწერით : ” აკეთი ითხოვს წყალს და გზას “. აღნიშნულ სოფელში წყლისა და გზის პრობლემა ამ დრომდე გადაუჭრელია. როგორც აკეთის თემის ერთ-ერთი მკვიდრი სალომე გეგიძე აცხადებს, დღეს ხელისუფლებას კიდევ ერთხელ შეახსენეს წინასაარჩევნოდ გაცემული დაპირებები. აკეთის თემასთან დაკავშირებით “გურია TV” ესაუბრა ლანჩხუთის მუნიციპალიტეტის საკრებულოს თავმჯდომარეს, ბესიკ ტაბიძეს. მან კონკრეტულ თარიღზე ვერ ისაუბრა, როცა შესაძლოა მოგვარდეს პრობლემები, მაგრამ მისი თქმით, გზის პრობლემის გადასაჭრელად უკვე დაწყებულია პროცესები და იგივე თქვა წყალთან დაკავშირებითაც.
ავტორი: გიორგი მორჩილაძე
კომენტარები
Loading ...