ავღანეთში, საფეხბურთო სტადიონზე, ათასობით დამსწრის თვალწინ, “თალიბანის” რეჟიმმა 12 ადამიანი გაამათრახა, მათ შორის სამი ქალი.
“თალიბანის” ოფიციალურმა წარმომადგენელმა BBC-თან ინტერვიუში თქვა, რომ ეს ადამიანები “მორალური დანაშაულის” ჩადენის გამო დაისაჯნენ, მათ შორის “მრუშობის”, ყაჩაღობისა და სექსუალური ორიენტაციისთვის.
ეს ერთი თვის განმავლობაში მეორე შემთხვევაა, როდესაც ისლამისტური დაჯგუფება საჯაროდ ამათრახებს ადამიანებს და “საჩვენებელ დასჯას” ათასობის სხვა მოქალაქეს აჩვენებს. ეს ნაბიჯი შეიძლება მიანიშნებდეს 1990-იან წლებში თალიბანის წინა მმართველობაში არსებული მკაცრი პრაქტიკის დაბრუნებაზე.
BBC-ის ინფორმაციით, დასჯის შემდეგ სამივე ქალი გაათავისუფლეს. ზოგიერთი კაცი კი დააპატიმრეს, მაგრამ უცნობია რამდენი. კაცებმა და ქალებმა თითოეულმა მიიღეს 21-დან 39-მდე დარტყმა. თალიბანის კიდევ ერთი ოფიციალური პირის თქმით, მაქსიმალური რაოდენობა, რომლის ფიზიკურად გაძლებაც ადამიანს შეუძლია არის 39.
Loading ...