ავტოსაგზაო შემთხვევის საქმეზე მძღოლს ავარიიდან 8 წლის შემდეგ 4 წლით თავისუფლების აღკვეთა მიესაჯა

 სასამართლოს გადაწყვეტილების მიხედვით, შემთხვევა 2018 წელს კასპის მუნიციპალიტეტის ტერიტორიაზე, ავტობანის იგოეთის მონაკვეთზე მოხდა.

 საქმის მასალების თანახმად, თბილისიდან დასავლეთის მიმართულებით მოძრავი ავტომობილი გზის სავალი ნაწილიდან გადავარდა. ავარიის შედეგად დაშავდა მგზავრი, რომელიც მიღებული დაზიანებების შედეგად 2019 წლის აპრილში გარდაიცვალა.

 დაცვის მხარე პირობით მსჯავრს ითხოვდა, თუმცა სასამართლომ ბრალდებულს საქართველოს სისხლის სამართლის კოდექსის 276-ე მუხლის მე-6 ნაწილით გათვალისწინებული მინიმალური სასჯელი, 4 წლით თავისუფლების აღკვეთა შეუფარდა. მას ასევე 3 წლით ჩამოერთვა სატრანსპორტო საშუალების მართვის უფლება.

 სასამართლომ დაასკვნა, რომ საქმე იყო გაუფრთხილებლობით ჩადენილი დანაშაული, 8 წლის განმავლობაში არ გამოიყენეს წინასწარი პატიმრობა, პროცესი წლების განმავლობაში მიმდინარეობდა, ბრალდებულის დაკავება მოხდა მხოლოდ გამამტყუნებელი განაჩენის შემდეგ.

წყარო: ქართლის ამბები