ავტოსაგზაო შემთხვევა აჭარაში, არიან გარდაცვლილები

ჩაქვისთავში ავტოსაგზაო შემთხვევა მოხდა, სავარაუდოდ ავტომობილში 5 ადამიანი იმყოფებოდა.  თვითმხილველები ამბობენ, რომ ავტომობილი ხრამში 10 მეტრი სიმაღლიდან გადავარდა და არიან დაღუპულებიც. ინფორმაციას ადასტურებს სამაშველო სამსახურიც,  სასწრაფო სამედიცინო სამსახურში აცხადებენ, რომ ადგილზე სასწრაფო დახმარების 2 ბრიგადა გავიდა.  

თვითმხილველები ასევე ყვებიან, რომ  სავარაუდოდ 4 გარდაცვლილი პირი ტურისტია, თუმცა ოფიციალური ინფორმაცია ამის შესახებ ჯერ შს სამინისტროში არ დაუდასტურებიათ. 

 შინაგან საქმეთა სამინისტროს ინფორმაციით გამოძიება 276 მუხლის 8 ნაწილით დაიწყო , რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც 2 ან მეტი ადამიანის სიცოცხლის მოსპობა გამოიწვია.