რუსთავი-თბილისის მუნიციპალურ ავტობუსში დამუხრუჭების დროს მგზავრი სკამიდან გადავარდა, გადახდის აპარატის ძელს შეეჯახა და შეუძლოდ გახდა. შემთხვევა ლეონიძის ქუჩაზე მოხდა.
როგორც “ინფო რუსთავს” ავტობუსის მძღოლმა უთხრა, ხანშიშესული ქალი გადასაშლელ სკამზე იჯდა.
ადგილზე საპატრულო პოლიცია და სასწრაფო დახმარება სატრანსპორტო საშუალების მძღოლმა გამოიძახა.
მგზავრი სასწრაფო დახმარების ეკიპაჟმა “კლინიკა რუსთავში” გადაიყვანა.
როგორც კლინიკაში განგვიცხადეს, ქალის მდგომარეობა სტაბილურია, მას ჩაუტარდა შესაბამისი კვლევები და ბინაზე გაეწერა.
შემთხვევის ადგილზე მობილიზებული იყო საპატრულო პოლიციის რამდენიმე ეკიპაჟი. მომხდარზე დაწყებულია გამოძიება.
კომენტარები
Loading ...