ავსტრია-გერმანიის საზღვარზე, კროითის გზატკეცილზე საქართველოს 5 მოქალაქე დააკავეს. რომლებიც პოლონური სანომრე ნიშნების მქონე ავტომობილით გადაადგილდებოდნენ. მძღოლის გარდა პირადობის დამადასტურებელი სათანადო დოკუმენტი არცერთ მგზავრს არ აღმოაჩნდა. როგორც გერმანული მედია წერს, ეჭვი გაჩნდა რომ საქმე ეხებოდა ადამიანების უკანონო გადაყვანას. პოლიციაში გადაყვანის შემდეგ აღმოჩნდა, რომ ავტომობილის მძღოლის წინააღმდეგ ანალოგიური ბრალდება წარსულშიც იყო წაყენებული.
გერმანული მედია წერს, რომ მგზავრი ქალების ასაკი 34-დან 60 წლამდეა. ისინი გერმანიაში გამგზავრებამდე საკმაო პერიოდი იტალიაში ცხოვრობდნენ.
მიუხედავად იმისა, რომ ავტომობილის მძღოლს, საქართველოს მოქალაქე კაცს გერმანიაში შესვლისა და ბინადრობის საჭირო დოკუმენტები ჰქონდა. ის უკან დააბრუნეს, რადგან ფედერალურმა პოლიციამ ის საზოგადოებრივი უსაფრთხოებისა და წესრიგისთვის საფრთხედ შეაფასა. ოთხივე ქართველი ქალი ბრალდებული იქნა ქვეყანაში არალეგალურად შესვლის მცდელობის გამო და ისინი იძულებით ავსტრიაში დააბრუნეს.
კომენტარები
Loading ...