ავსტრალიის პრემიერი – ჩვენ არ ვაგზავნით უკრაინაში მხოლოდ ჩვენს ლოცვებს, ვაგზავნით იარაღს, საბრძოლო მასალებს, გავაგზავნით ჩვენს ჯავშანმანქანებსაც

ავსტრალიის პრემიერ-მინისტრის, სკოტ მორისონი განცხადებით, ავსტრალია უკრაინაში Bushmaster-ის ჯავშანტექნიკას გაგზავნის.

”ჩვენ არ ვაგზავნით უკრაინაში მხოლოდ ჩვენს ლოცვებს, ჩვენ ვაგზავნით ჩვენს იარაღს, ვაგზავნით ჩვენს საბრძოლო მასალას, ჰუმანიტარულ დახმარებას, ჯავშან ჟილეტებს. გავაგზავნით ჩვენს ჯავშანმანქანებს, ჩვენს Bushmaster-საც“, – განაცხადა მორისონმა.

მისი თქმით, ჯავშანმანქანებს უკრაინაში Boeing C-17 სატრანსპორტო თვითმფრინავებით გადააგზავნიან. ამასთან, ავსტრალიის პრემიერმა არ დააკონკრეტა, რამდენი ჯავშანმანქანა გაიგზავნება, ან როდის.

შეგახსენებთ, უკრაინის პრეზიდენტმა ვოლოდიმირ ზელენსკიმ ხუთშაბათს ავსტრალიის პარლამენტს მიმართა და ავსტრალიური წარმოების Bushmaster-ის მანქანების მიწოდება ითხოვა.