ავსტრალიის ქალაქ სიდნეის ზოოპარკის გალიიდან 5 ლომი გაიპარა. ამის შესახებ theage.com.au იუწყება.
ერთი ზრდასრული ლომი და მისი 4 შვილი ვოლიერის შიდა გალიიდან გამოძვრნენ, მაგრამ გარე გალიის გავლა მათ ვეღარ შეძლეს. ამჟამად ზოოპარკის ადმინისტრაცია გამოძიებას აწარმოებს, თუ როგორ მოახერხეს ლომებმა შიდა გალიიდან გაპარვა.
ინციდენტი დილით ადრე მოხდა, როდესაც ზოოპარკში დამთვალიერებლები არ იმყოფებოდნენ. ზოოპარკში განგაშის სიგნალი ჩაირთო. ერთ-ერთ ლომს სპეციალური ტრანკვილიზატორი ესროლეს, რათა შემდეგ ის მძინარე მდგომარეობაში ვოლიერში დაებრუნებინათ.
თავისუფალი ლომი ადამიანისთვის ძალზე დიდ საფრთხეს წარმოადგენს.
კომენტარები
Loading ...
