ავსტრალიის ახალი სამხრეთ უელსის შტატში, სადაც ქვეყნის მოსახლეობის მესამედი ცხოვრობს, წყალდიდობაა. ადგილობრივი მედიის ინფორმაციით, მსგავსი შემთხვევა ქვეყანაში ბოლო 20 წლის განმავლობაში არ მომხდარა. წყალდიდობა რამდენიმე დღის განმავლობაში ძლიერმა წვიმამ გამოწვია. მაშველებმა შტატში 13 სამაშველო ოპერაცია ჩაატარეს და მოსახლეობა საშიში ზონებიდან გამოიყვანეს.
სტიქიის გამო შტატის ცალკეულ რეგიონებში გადაადგილება ამ დრომდე შეზღუდულია. მეტეოროლოგების განცხადებით, უხვი ნალექები ავსტრალიაში კიდევ რამდენიმე დღე გაგრძელდება. აღსანიშნავია, რომ წვიმამ ავსტრალიაში არსებული ხანძრები, რომლებიც გასული წლის სექტემბრიდან მძვინვბრებს, თითქმის სრულიად ჩააქრო.
კომენტარები
Loading ...
