ავარია თბილისში – ავტომობილი პატრულის მანქანას შეეჯახა

მასშტაბური ავტოავარია თბილისში – სწრაფად მიმავალი ავტომობილი საპატრულო პოლიციის გაჩერებულ მდგომარეობაში მყოფ მანქანას შეეჯახა.

შეჯახების შედეგად დაზიანდა მესამე ავტომობილი და ასევე მოპედიც. ავტოსაგზაო შემთხვევა გვიან ღამით, მტკვრის მარცხენა სანაპიროზე მოხდა.

ავარიას მსხვერპლი არ მოჰყოლია, თუმცა თვითმხილველების ინფორმაციით, რამდენიმე პირს სასწრაფო სამედიცინო დახმარების აღმოჩენა დასჭირდა.

კანონდამრღვევი მძღოლი ადმინისტრაციული წესით არის დაკავებული. ის შუახნის მამაკაცია. გამოძიება სისხლის სამართლის კოდექსის 276-ე მუხლით დაიწყო.

წყარო: https://primetime.ge/