აბუ-დაბიში მყოფი თბილისის მერი კახა კალაძე საქართველოში ომანის, ერ-რიადის და სტამბოლის გავლით დაბრუნდა. ამის შესახებ მან სტამბოლის აეროპორტიდან ფეისბუქ-ლაივში ისაუბრა.
ლაივ-ჩართვისას, თბილისის მერმა, დუბაისა და აბუ-დაბაიში მყოფი საქართველოს მოქალაქეების დასაბრუნებლად სპეციალური ავიარეისების დაორგანიზებისთვის, საქართველოს მთავრობას და პირადად ირაკლი კობახიძეს მადლობა გადაუხადა.
“ახლო აღმოსავლეთში მძიმე სიტუაციაა. ვიცი, რომ ბევრი ჩვენი თანამოქალაქე დუბაიში, აბუ-დაბიში იმყოფებოდა. საქართველოს მთავრობამ ჩარტერული რეისები დააორგანიზა იმისთვის, რომ ისინი დაბრუნდნენ სამშობლოში, რისთვისაც პრემიერმინისტრს დიდ მადლობას გადავუხდი. ვისაც დაბრუნების სურვილი გაქვთ, საქართველოს საელჩოს უნდა მიმართოთ და ისარგებლეთ აღნიშნული შესაძლებლობით. ფრენები არის მასკატიდან, სადაც მოხვედრა მანქანით არის შესაძლებელი, გზა არის უსაფრთხო. ჩვენ რიადიში გადავფრინდით, საიდანაც სტამბოლში ჩავფრინდით და დღეს ღამე თბილისში ვიქნებით. მშვიდობას ვუსურვებ მსოფლიოს!”, — თქვა კახა კალაძემ ლაივ-ჩართვაში.
გავრცელებული ინფორმაციით კახა კალაძე აბუ-დაბიში საკუთარი დაბადების დღის აღსანიშნავად იმყოფებოდა.
Loading ...