აბიტურიენტს, რომელიც ეროვნულ გამოცდებში მონაწილეობდა, კორონავირუსი დაუდასტურდა, – ამის შესახებ დაავადებათა კონტროლის ეროვნული ცენტრის ხელმძღვანელის ამირან გამყრელიძისა და შეფასებისა და გამოცდების ეროვნული ცენტრის ხელმძღვანელის, სოფო გორგოძის ბრიფინგზე გახდა ცნობილი.
როგორც ბრიფინგზე განაცხადეს, წინასწარი ინფორმაციით, აბიტურიენტს ინფექცია სავარაუდოდ ოჯახის წევრისგან გადაედო.
მათივე ინფორმაციით, ცხრა აბიტურიენტი, რომელიც მასთან იყო კონტაქტში, ამჟამად დაკვირვების ქვეშ, საკარანტინო სივრცეში იმყოფება და ყოველი გამოცდის წინ „პისიარ“ ტესტი ჩაუტარდება.