ოზურგეთის რაიონულმა სასამართლომ 2-თვიანი წინასწარი პატიმრობა შეუფარდა 23 წლის ბიჭს, რომელმაც 60 წლამდე მეზობელი, სავარაუდოდ, ინტერნეტით მიღებული დავალების გამო მოკლა – TV პირველი მომხდარის შესახებ ახალ დეტალებზე ადგილობრივებზე დაყრდნობით წერს. როგორც მოკლული კაცის ნათესავები ამბობენ, რომ დაკავებულს ჰქონდა სია, სადავ სავარაუდოდ მომავალი მსვერპლები ჰყავდა ჩამოწერილი.
“ამ ბავშვის სახლში სისხლი, რომ არ ენახათ ვერავინ იფიქრებდა, რომ ეს გიორგიმ გააკეთა. მანიაკის მოკლული ეგონათ ისიც და ესეც. ამას ეძებდნენ. მშობლებმა რომ აღმოაჩინეს, სახლში არ იყო, მერე განგაში იყო. მამა გარდაცვლილის ოჯახში იყო, დედამ თქვა, გიორგი არ არის სახლშიო, ეძებეს მერე. გარდაცვლილმაც მოასწრო თქმა მეუღლისთვის გიორგი იყო და მეუღლესაც ნანახი ჰყავს.
პოლიციამ რაღაც რომ წაიღო, მაგის მერე გამოვიდა ინფორმაცია, რომ შეკვეთილი ჰქონდაო. სია არსებობდა, რომ რამდენიმე პიროვნება ჰყავდა ჩამოწერილი, ვინც უნდა მოეკლაო. იცი როგორ შეშინებული ვართ ყველა? ღამე გარეთ კი ვერ გამოვდივართ”- ამბობს ადგილობრივი
“ის თამაშები რომ იყო ადრე, ხომ შეწყდა, ახლა გაგრძელდა და იმ თამაშს იყო აყოლილიო. შედგენილი ჰქონდა სია, კიდევ ვინ უნდა მოეკლაო. იმ ღამესვე უნდა მოეკლა ისინიცო” | აცხადებენ სოფელში
მკვლელობა ოზურგეთის მუნიციპალიტეტის ერთ-ერთ სოფელში 25 მარტს მოხდა. გამოძიების ინფორმაციით, ბრალდებულმა მეზობელი საცხოვრებელ სახლში დანით დაჭრა, რის შედეგადაც კაცი ადგილზე გარდაიცვალა. მოგვიანებით TV პირველმა გაავრცელა ინფორმაცია, რომ 23 წლის ბიჭმა მკვლელობის დავალება ინტერნეტით მიიღო.
Loading ...