ჰიბრიდული ომის საფრთხეები, საპასუხო მოქმედებები და ახალგაზრდების როლი საქართველოს ევროატლანტიკურ ინტეგრაციის პროცესში – ნატოსა და ევროკავშირის შესახებ საინფორმაციო ცენტრისა და პოლიტიკისა და მენეჯმენტის საკონსულტაციო ჯგუფის ორგანიზებით, სხვადასხვა უნივერსიტეტის 60-ზე მეტ სტუდენტთან შეხვედრა გაიმართა. ღონისძიება ევროკავშირის პროექტის „საქართველოში უსაფრთხოების სექტორის გარე ზედამხედველობის მხარდაჭერა“ ფარგლებში ჩატარდა.
შეხვედრაზე, Kings College-ს სტრატეგიული კომუნიკაციების ცენტრის ლექტორმა და საომარი მოქმედებების ექსპერტმა, დოქტორმა ოფერ ფრიდმანმა, ჰიბრიდული ომის თავისებურებებზე, მისგან მომდინარე საფრთხეებსა და მასთან ბრძოლის გზებზე ისაუბრა. ექსპერტმა, ასევე, დეტალურად განიხილა რუსული ჰიბრიდული ომის გავლენა საქართველოს ეროვნულ უსაფრთხოებაზე.
Loading ...
