ჯო ბაიდენი პუტინზე – ვფიქრობ, ის ომის დამნაშავეა

აშშ-ის პრეზიდენტმა ჯო ბაიდენმა პირველად ვლადიმერ პუტინს “ომის დამნაშავე” უწოდა. ამის შესახებ ინფორმაციას BBC-ი ავრცელებს.

როგორც მედია წერს, აქამდე ადმინისტრაცია თავს არიდებდა ამ ფრაზის გამოყენებას.

ოთხშაბათს თეთრ სახლში გამართული ღონისძიების შემდეგ ჟურნალისტებთან საუბრისას ბაიდენმა პუტინის მისამართით თქვა: „ვფიქრობ, ის ომის დამნაშავეა“.

კრემლში აშშ-ის პრეზიდენტის ჯო ბაიდენის განცხადებას,  “უპატიებელი” უწოდეს. ამის შესახებ ინფორმაციას “ბიბისი” საინფორმაციო სააგენტო TASS-ზე დაყრდნობით ავრცელებს.

საინფორმაციო სააგენტო TASS-ის ცნობით, კრემლი ამბობს, რომ ბაიდენის კომენტარები “მიუღებელი და უპატიებელი რიტორიკაა”.