საპატრიარქოს საავადმყოფოს თანამშრომელს, რომელიც წყნეთის ტაძრის მრევლია, ახალი კორონავირუსი დაუდასტურდა. როგორც რადიო თავისუფლებას საპატრიარქოს საზოგადოებასთან ურთიერთობის სამსახურის უფროსმა, ანდრია ჯაღმაიძემ უთხრა, ტაძარი სავარაუდოდ, დაიხურება.
„ვაზუსტებ, ვიცი რომ ერთ-ერთი დაავადებული რომელსაც დაუდგინდა, იყო იმ ტაძარში მისული. სავარაუდოდ დაკეტავდნენ, მაგრამ ზუსტი ინფორმაცია არა მაქვს ჯერ. საპატრიარქოს საავადმყოფოს თანამშრომელია, მე მგონი ექიმი არ არის“, – განაცხადა ანდრია ჯაღმაიძემ.
მედიის ცნობით, ახალი კორონავირუსით ინფიცირებული ქალი 7 აპრილს ხარების დღესასწაულზე ტაძარში იმყოფებოდა და აღსარებაც ჩააბარა, ტაძრის სასულიერო პირები კი კარანტინში იმყოფებიან.
17 აპრილის დილის მონაცემებით, საქართველოში 348-დან 370-მდე გაიზარდა კორონავირუს COVID-19-ის დადასტურებული შემთხვევების საერთო რიცხვი. გამოჯანმრთელდა კიდევ 1 პაციენტი.
საქართველოში თებერვლის ბოლოდან ამ დრომდე დაფიქსირებული სულ 370 შემთხვევიდან გამოჯანმრთელებულია 77. გარდაცვლილია 3.
Loading ...
