ოზურგეთის მუნიციპალიტეტის 2026 წლის ბიუჯეტი წინა წელთან შედარებით 4 მილიონი ლარით გაიზარდა. მომავალი წლის ბიუჯეტი ჯამში 47 407 000 ლარი იქნება. სხვადასხვა შემოსულობებთან ერთად ბიუჯეტში შედის ჯარიმებისგან მიღებული თანხაც. აღნიშნულ თემაზე მერიის საფინანსო-საბიუჯეტო სამსახურის უფროსმა პავლე ჭყონიამ ისაუბრა.
– ჯარიმებთან დაკავშირებით რა შეგიძლიათ გვითხრათ, რამდენად ავსებთ ბიუჯეტს ჯარიმებით?
ძირითადი ჯარიმები ჩვენ დაგეგმილი გვაქვს, დაახლოებით, 3 მილიონ 20 000 ლარით და ძირითადად, ეს თანხა მოდის საგზაო ჯარიმებიდან. ჩვენ არ ვართ მოწადინებული ჯარიმების თანხის ზრდისთვის, მაგრამ ნებისმიერ ჩვენგანს გადაგვიხდია ჯარიმები. ძირითადად, ჯარიმების წილი იზრდება ტურისტული სეზონის პიკში, როცა შემოდის ხალხი. განაწილების პროცენტი ასეთია 65/35 ზე, ნაწილი სახელმწიფო ბიუჯეტში მიდის, ნაწილი ჩვენთან რჩება და ჩვენთვის ერთგვარი დამატებითი შემოსავალია. – განაცხადა ოზურგეთის მუნიციპალიტეტის მერიის საფინანსო-საბიუჯეტო სამსახურის უფროსმა პავლე ჭყონიამ გურიაTV-ის გადაცემაში ”სივრცე დიალოგისთვის”.
Loading ...