ხობში მამაკაცი დაჭრეს

ხობის მუნიციპალიტეტის სოფელ პირველ მაისში შუახნის მამაკაცი ნათესავმა სავარაუდოდ დანით დაჭრა. როგორც „ლაივპრესს“ სოფელში მერის წარმომადგენელმა მარინე ლაგვილავამ განუცხადა, მამაკაცმა გაქცევა სცადა და მეზობლის სახლს შეაფარა თავი, სადაც ასევე დაზიანება მიაყენა ერთ-ერთ ქალბატონს. „მას თავში ხის ჯორკო აქვს ჩარტყმული“, – ამბობს მარინე ლაგვილავა.

დაჭრილს ხობის საავადმყოფოში ამ წუთებში ოპერაცია უტარდება, რაც შეეხება მეზობელ ქალბატონს, ის ასევე დაზიანებებით გადაყვანილია ქუთაისის საავადმყოფოში.

„ლაივპრესს“ შინაგან საქმეთა სამინისტროში განუცხადეს, რომ მომხდარ ფაქტთან დაკავშირებით დაკავებულია ერთი პირი . გამოძიება საქართველოს სისხლის სამართლის კოდექსის 19-108 მუხლით მიმდინარეობს, რაც განზრახ მკვლელობის მცდელობას გულისხმობს.

www.livepress.ge