შინაგან საქმეთა სამინისტროს განცხადებით, ხობის ერთ-ერთ სოფელში ქალის განზრახ მკვლელობის ბრალდებით 1992 წელს დაბადებული ზ.უ. დააკავეს. “მთავარი არხის” ინფორმაციით, მოკლულს ბრალდებულის ვალი ჰქონდა და დაპირისპირება ამ საკითხმა გამოიწვია.
“გამოძიებით დადგინდა, რომ ბრალდებულმა, ურთიერთშელაპარაკების შედეგად, ხობის მუნიციპალიტეტის ერთ-ერთ სოფელში, ბლაგვი საგნის გამოყენებით სასიკვდილო დაზიანებები მიაყენა ნაცნობს – 1974 წელს დაბადებულ ხ.ლ.-ს, რომელიც ადგილზე გარდაიცვალა”, – წერია შსს-ს განცხადებაში.
გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. დანაშაული 10-დან 15 წლამდე ვადით თავისუფლების აღკვეთას ითვალისწინებს.
კომენტარები
Loading ...