,,ბორინკა ივანიშვილის დავალების შემსრულებლები,” ,,სააკაშვილის მონები,”,, ქართული ოცნების ზონდერები, “,,ომის პარტია” – მსგავსი შეძახილები მრავლად ისმოდა დღეს ოზურგეთის საკრებულოს სხდომაზე და ოპოზიციისაა თუ მმართველი პარტიის წარმომადგენლები ურთიერთბრალდებებით და წამოძახებებით იყვნენ დაკავებულები. ხმაური ფრაქცია ,, ნაციონალური მოძრაობის ” თავმჯდომარის დავით მჟავანაძის განცხადებას მოჰყვა. მან 29 ივლისს მომხდარი ინციდენტი გააპროტესტა, როცა ნაციონალური მოძრაობის ლიდერები ოზურგეთში, ეკლესიის ეზოში მოსახლეობასთან შეხვედრას მართავდნენ ევროინტეგრაციის თემაზე და მათთან ქართული ოცნების ფრაქციის წევრები მივიდნენ და როგორც მჟავანაძემ განაცხადა, შეხვედრის ჩაშლა სცადეს. განცხადების შემდეგ, რომელიც მჟავამაძემ გააკეთა, ნაციონალური მოძრაობის წევრებმა სხდომა პროტესტის ნიშნად დატოვეს.
Loading ...
