ხვიჩა კვარაცხელიას მეათე გოლი იტალიის ჩემპიონატში

იტალიის ჩემპიონატის მორიგ ტურში “ნაპოლის” ქართველმა ვარსკვლავმა ხვიჩა კვარაცხელიამ “სასუელოს” კარში სუპერ გოლი გაიტანა.

23-ე ტურის მატჩში, 22 წლის კვარაცხელია, ნეაპოლელთა ძირითად შემადგენლობაშია და ანგარიში მე-14 წუთზე გახსნა – ქართველმა ფეხბურთელმა ბურთი მოედნის ცენტრში მიიღო, მცველებს ეფექტური მოძრაობებით გასცდა და ულამაზესი გოლი გაიტანა.

ხვიჩას შანსი აქვს, 2006-07 წლების სეზონის შემდეგ, ევროპის ტოპ-ლიგაში ​პირველი ფეხბურთელი გახდეს, ვინც სადებიუტო სეზონში 10 გოლთან ერთად, 10 საგოლე პასს შეასრულებს. ხვიჩას ანგარიშზე ამჟამად 10 გოლი და 9 საგოლე გადაცემაა.