ხვალ სტარტს აიღებს საქართველოს საფეხბურთო ჩემპიონატის მესამე ლიგის გათამაშება.
თავის პირველ მატჩს გამართავს მესამე ლიგაში შარშან დაწინაურებული ლანჩხუთის “გურია”. გურულები თავიანთ შეხვედრას სტუმრად გამართავენ, ისინი თბილისში “ლოკომოტივს” შეხვდებიან.
რაც შეეხება პირველ საშინაო შეხვედრას ლანჩხუთში, იგი 12 მარტს შედგება. ამ დღეს ლანჩხუთელები თბილისის “მერანს” უმასპინძლებენ.
“გურიამ” წინასაჩემპიონატო მოსამზადებელ ეტაპზე რამდენიმე ტესტ-მატჩი გამართა. მათგან ბოლო ორი დიდი ანგარიშით მოიგო.
ხვალინდელი შეხვედრა “ლოკომოტივსა” და “გურიას” შორის თბილისში, ვარკეთილის საფეხბურთო ცენტრში 14 საათზე დაიწყება.
კომენტარები
Loading ...