ხვალ საქართველოს საფეხბურთო ჩემპიონატის, მეოთხე ლიგის ბოლო ტური გაიმართება.
უმნიშვნელოვანეს შეხვედრას გამართავს ლაჩხუთის “გურია”. გურულები საკუთარ მოედანზე “არაგველებს” უმასპინძლებენ.
ლანჩხუთელები ზედა, მესამე ლიგაში აღზევებამდე ერთ ნაბიჯში არიან. მათ ხვალინდელ შეხვედრაში მხოლოდ ერთი ქულა ყოფნით, რომ მესამე ადგილი დაიკავონ და მომავალ სეზონში მესამე ლიგაში იასპარეზონ.
“გურიას” ბოლო ტურის წინ 56 ქულა აქვს და მესამე ადგილზე იმყოფება. ზედა ლიგის საგზურისთვის იბრძვის ლანჩხუთელთა ხვალინდელი მეტოქე “არაგველები” და წალენჯიხის “სქური”.
“გურიას” წინა ტურშიც შეეძლო მესამე ადგილის განაღდება, მაგრამ ბოლო დამატებით წუთებზე დაკარგა სტუმრად ქულები.
შეხვედრა ლანჩხუთში ხვალ “ევგრაფი შევარდნაძის” სახელობის სტადიონზე 13 საათზე გაიმართება.
ხვალვე ჩემპიონატის ბოლო შეხვედრას ჩაატარებს ოზურგეთის “მერცხალი”. იგი სტუმრად ვანში, “სულორს” შეხვდება. “მერცხალმა” თავისი ამოცანა წინა ტურში შეასრულა და მეოთხე ლიგაში ადგილი შეინარჩუნა.
Loading ...