გუშინ დღის მეორე ნახევარში ოზურგეთში მდებარე ფქვილის საწარმო “გურია ექსპრესის” გაფიცული თანამშრომლები გურიის გუბერნატორს და ოზურგეთის მერს ხვდებოდნენ. შეხვედრის მიზანი შპს “გურია ექსპრესის” ხელმძღვანელობისა და გაფიცულების პოზიციების დაახლოება იყო. თუმცა შეხვედრა უშედეგოდ დასრულდა და შეხვედრიდან გამოსულმა გაფიცულებმა განაცხადეს, რომ პროტესტი ისევ გრძელდება. მათივე განცხადებით, კომპანიას თანამშრომლების შემცირება სურს, რაზეც გაფიცულები თანახმანი არ არიან. შედეგი, რომელიც დღევანდელმა შეხვედრამ მოიტანა, ადგილობრივი ხელისუფლების მიერ ნაკისრები მედიატორის როლია, რაც ახლო დღეებში შესაძლებელს გახდის ორივე მხარის პირისპირ შეხვედრას.დღევანდელ შეხვედრას ესწრებოდა პროფესიული კავშირების გაერთიანების იურისტი ირაკლი მხეიძეც. მისი განცხადებით, კომპანია “გურია ექსპრესი” დასაქმებულთა უფლებებს არღვევს, საწარმოში დარღვეულია შრომის სტანდარტებიც. შესაბამისად, პროფკავშირი გაფიცულ მშრომელებს დარღვეული უფლებების დაცვაში ბოლომდე დაეხმარება და მარტო არ დატოვებს.
კომენტარები
Loading ...