“ცენზურა კი არ დაგიწესა [ზურაბ ჯაფარიძემ], ჩემო ვახო, შენ ან იაგოს. ზურაბ ჯაფარიძეც გამოთქვამს ხოლმე ბევრ რამეზე აზრს, იაგოც და შენც. ზურაბ ჯაფარიძის გამონათქვამებს, ახსნებს, განმარტებებს მოჰყვება ხოლმე ის, რომ ადამიანები ერთდებიან, გროვდებიან, გირჩის მხარდამჭერები ხდებიან და თქვენს გამოვარდნებს და თქვენს გამოტანტალებებს, ასე, ახალგაღვიძებულზე ხოლმე, ეგ მოყვება ხოლმე, რომ ასე ვიქსაქსებით და გამწარებული ადამიანები, რომლებიც ამ კორონავირუსის პირობებში მივიდნენ და ხმა მისცეს, რეკავენ ეს დღეები და განმარტებებს ითხოვენ, იმის გამო, რომ ვიღაც ასე… ზუბა ლამად [რადიო 105-ის პერსონაჟი, სახალხო მთქმელი] არავის დაუნიშნავს იაგო ხვიჩია, რომ უპასუხისმგებლოდ გადმოდგეს იქიდან და “სიმართლეები” ილაპარაკოს. სიმართლე ბევრი არსებობს, მაგრამ ამ სიმართლეს უნდა სწორი ფორმა, სწორი ახსნა-განმარტება, სწორ დროს, სწორ ადგილზე. არავინ არ უკერავს არავის პირს და არავის ეუბნება, რომ გაჩუმდი და ხმა არ ამოიღოო. გირჩში როგორ შეიძლება ამაზე ლაპარაკი
[…] ეგრე არაა, რა. ჩამოჯდება ერთი ცხენიდან და ჩამოვა მეორე კვარცხლბეკიდან და დაელაპარაკებიან ადამიანებს ნორმალურად”
ასე ეხმაურება გირჩის დამფუძნებელი, გოგა ხაჩიძე პარტიის სპიკერის, ვახო მეგრელიშვილის ნათქვამს, რომ ზურაბ ჯაფარიძე მისთვის, იაგო ხვიჩიასთვის და სანდრო რაქვიაშვილისთვის ცენზურის დაწესებას ითხოვდა, რათა მათ სენსიტიურ თემებზე აღარ ესაუბრათ. ამის შესახებ მეგრელიშვილმა მას შემდეგ ისაუბრა, რაც ზურაბ ჯაფარიძემ Facebook-ზე დაპოსტა, რომ ზემოთ ჩამოთვლილ სამ ადამიანთან თანამშრომლობას წყვეტს. გოგა ხაჩიძე ამის შესახებ რუსთავი 2-ის ეთერში ისაუბრა.
Loading ...