ხატია დეკანოიძე – ვერ შეგვაშინებენ, ვაგრძელებთ ბრძოლას სამშობლოსთვის

ვერ შეგვაშინებენ, ვაგრძელებთ ბრძოლას სამშობლოსთვის, რომელიცვ გვტკივა, – ამის შესახებ „ნაციონალური მოძრაობის“ წევრმა ხატია დეკანოიძემ ჟურნალისტებს ნიკა მელიას დაკავების შემდეგ განუცხადა.

„ვერ შეგვაშინებენ, რამდენს დაგვაპატიმრებენ, რამდენს გამოგვკეტავენ ბიძინა ივანიშვილის საპყრობილეში. ვაგრძელებთ ბრძოლას ჩვენი სამშობლისთვის, რომელიც გვტკივა. არ შეიძლება გაზის გამოყენება დახურულ სივრცეში, ხალხი ცუდად არის, მე ნიკასთან ვიყავი ბოლომდე, ის დააკავეს გავრილოვებმა“, – განაცხადა ხატია დეკანოიძემ.

„ერთიანი ნაციონალური მოძრაობის“ თავმჯდომარე ნიკა მელია დაკავებულია.

სამართალდამცველები ცოტა ხნის წინ „ნაცმოძრაობის“ ოფისის იმ ოთახში შევიდნენ, სადაც მელია იმყოფებოდა.

„ნაცმოძრაობის“ მხარდამჭერებმა წინააღმდეგობის გაწევა სცადეს.

როგორც საქართველოს პირველი არხის ჟურნალისტი ადგილიდან იუწყება, ნიკა მელია ავტომობილში მოათავსეს და ტერიტორიიდან გაიყვანეს.