ჭავლის შედეგად ამოვარდნილი თვალი აქციის მონაწილემ საკუთარი ხელით ჩაისვა – თვითმხილველი

აქციის მონაწილე ზაზა ლიპარტიას წუხელ წყლის ჭავლმა თვალი დაუზიანა. ექიმების ინფორმაციით, ზაზა ლიპარტიას ჩაუტარდა კვლევები და მის სიცოცხლეს საფრთხე არ ემუქრება, თუმცა აუცილებელია ქირურგიული ოპერაცია. ექიმის განცხადებით, მას მოტეხილი აქვს სახის ძვლები თვალის მიდამოებში. ამ დროისთვის ზაზა ლიპარტიას ამზადებენ საოპერაციოდ.

თვითმხილველების თქმით, წყლის ჭავლი ზაზა ლიპარტიას სახის არეში მოხვდა და „იქვე თვალი გადმოვარდა, ფაქტობრივად, მან თავისი ხელით ჩაისვა [თვალი]. სახის კანი აქვს დაზიანებული მარცხენა მხარეს“.

მთავარი არხის ინფორმაციით, ზაზა ლიპარტია ქვეყნის პირველი პრეზიდენტის დაცვის წევრი იყო.

batumelebi.netgazeti.ge