კულტურის, სპორტისა და ახალგაზრდობის მინისტრი, თეა წულუკიანი 5 ივლისს გამართულ ორკების აქციაზე საუბრისას ამბობს, რომ პრემიერმინისტრმა, ირაკლი ღარიბაშვილმა პრაიდის ორგანიზატორებს მარშის სხვაგან გადატანა შესთავაზა, ამიტომ, ის ჟურნალისტებზე ძალადობასა და 5 ივლისს განვითარებულ მოვლენებზე ხელისუფლების პასუხისმგებლობას ვერ ხედავს.
“თუ ყველა პოლიციელი არის გარეთ, თუ ძალადობა არის ამ დონის, მასშტაბის და როდესაც პრემიერი აფრთხილებს ყველას, რომ არა რუსთაველის გამზირზე და მოდით, ეს გადავიტანოთ სხვაგან და ამას არავინ არ შეისმენს, ან ვიღაცას აქვს სურვილი, შეისმინოს, მაგრამ სწორედ ის ძალები, რომელსაც არ აწყობს, აგულიანებენ პოტენციურ მსხვერპლებს, რომ მაინც იქ გამოვიდნენ, სადაც პოლიციას ამისი რესურსი არ ყოფნის, მაშინ მე ვსვამ კითხვას – სად არის ხელისუფლების პასუხისმგებლობა? თუმცა, უშეცდომო ხელისუფლება არ არსებობს, ამაზე ვერასდროს ვერ ვიდავებთ”. – თქვა წულუკიანმა საზოგადოებრივ მაუწყებელთან ინტერვიუში.
Loading ...
