ძლიერმა წვიმამ პრობლემები შექმნა ხაშურშიც – დატობორილია ქუჩები და სახლები

უხვმა ნალექმა და ძლიერმა ქარმა პრობლემები შექმნა ქალაქ ხაშურში და მუნიციპალიტეტის სოფლებში – დატბორილია გზები, საცხოვრებელი სახლების პირველი სართულები, ეზოები და საკარმიდამო ნაკვეთები.

“ხაშურის მუნიციპალიტეტში პრაქტიკულად მთელი ღამის განმავლობაში მიმდინარეობდა რთული მეტეოროლოგიური პირობებით გამოწვეული პრობლემების სალიკვიდაციო და სამაშველო სამუშაოები. 

 რთულმა მეტეოროლოგიურმა პირობებმა – უხვმა ნალექმა და ძლიერმა ქარმა ქალაქ ხაშურსა და მუნიციპალიტეტის სოფლებში პრობლემები შექმნა. დაზიანდა სახურავები, მწყობრიდან გამოვიდა ელექტროგადამცემი ხაზები, გარკვეულ უბნებზე შეფერხდა გაზმომარაგებაც. ძლიერი ქარის გამო რამდენიმე ადგილას წაიქცა ხეები. ადიდებულმა წყალმა დატბორა გზები, მოსახლეობის ეზოები და საკარმიდამო ნაკვეთები. ზოგიერთ ადგილას წყალმა საცხოვრებელ სახლებშიც შეაღწია.” – წერია ხაშურის მუნიციპალიტეტის მერიის განცხადებაში.